umpasa

Umpasa dohot umpama somal do tabege manang tahatahon di angka ulaon adat, di ulaon las ni roha manang di ulaon arsak ni roha. Somalna, tarida ma i di tingki na marhata si gabe-gabe dohot mangampu. Na naeng dohonon di son, asa tangkas nian taboto jala taantusi aha do tujuan dohot makna ni hata umpasa i, songon i nang hata umpama. Alana, sasintongna, asing do lapatan manang pangantusion ni hata umpasa dohot umpama.

Andorang so sahat hita tu si, adong do niida sian angka dongan na mansai malo manghatahon angka hata umpasa dohot umpama –i ma songon bunga-hunga dohot sira ni angka panghataion di ulaon i. Tabo tutu begeon jala mangolu nihilala panghataion i, lumobi molo tarida hata pandohan na masialus-alusan. Alai, adong do muse niida angka donganta naeng pasahathon hata umpasa, hape nanidokna i sian hata umpama. Songon i sebalikna, naeng mandok hata umpama do nian ibana, hape dihatahon sian hata umpasa. Sada kenyataan do i di tonga-tonga ni halak Batak, alana sipata disadari manang ndang, jot-jot do disarupahon pangantusion ni hata i.

Mardomu tu si, asa tahatahon ma nian hata umpasa dohot umpama i hombar tu rumang dohot ruhut ni angka ulaon, songon i di situasi manang hadirion ni keluarga na naeng manjalo hata i. Misalna, adong pamoruonta naung matua, nunga marpahompu nasida sian anak dohot sian boru. Naeng pasahathon hata si gabe-gebe, hata pasu-pasu ma hita tu nasida di ulaon si las ni roha, ala dipatupa nasida partangiangang (pengucap-an syukur) jala nunga tamat anak siampudanna sian singkola kedokteran. Pasahaton ma tu nasida hata umpasa na hombar tu ulaon i dohot tu hadirion nasida. Unang ma tadok tu nasida: “songan hata ni umpasa ma dohononhu amang boru: Bintang na rumiris tu ombun nasumorop, anak pe antong riris, boru pe antong torop.” Hata umpasa si songon i denggan ma antong tu angka keluarga naumposo. Alai, molo tu keluarga naung antar matua, songon pamuronta nangkin, dohononta ma: Andor halumpang ma togu-togu ni lombu, andor hatiti togu-togu ni horbo. Sahat ma hamu saur matua pairing-iring pahompu sahat tu na marnini marnono.

Laos songon i muse unang ma nian tabahen-bahen (dikarang-karang) sandiri hata umpasa manang umpama i, molo so taantusi lapatan dohot makna ni na tahatahon i. Tumagon ma tadok hata angka nauli nadenggan tu angka tuturta marhite hata na sian Tuhanta, molo so taboto dope angka sidohononta marhite-hite hata umpasa manang umpama.

Sada nari naporlu muse sidohonon, molo angka hata umpasa dohot umpama, somalna sian angka horong ni hula-hula dohot angka tulang do pasahathon i tu pamoruonna, manang sian angka natua-tua tu ianakhonna. Sipata, nian, godang do taida di tingki on adong sian horong ni pamoruon na pasahathon hata umpasa dohot hata umpama tu hula-hula manang tulangna, tarlumobi di tingki mangampu hata. Nadenggan ma i tutu. Alai, adong muse do mandok hata sian boru ala rap uduran ni hula-hula nasida mandok hata i.

Na naeng dohonon di son: molo sian posisi ni boru do hita pasahat-hon hata umpasa manang umpama, asa dumenggan, tama hita nian jolo mangido marsantabi baru pe asa tahatahon si dohononta. Alana, songon naung tangkas taboto, molo hata umpasa i, i ma hata pasu-pasu jala mangalean angka hata pasu-pasu somalna ingkon sian angka horong ni hula-hula dohot tulang. Adong hata ni Tuhanta na mandok: Jadi sandok ndang targagaon, nasumangap i do mamasu-masu na ummetmet. (Memang tidak dapat disangkal, bahwa yang lebih rendah diberkati yang lebih tinggi -Ibrani 7: 7). Jala dumenggan muse tahe, molo di tingki na pasahathon hata i sai dimulai dohot pandohan: “songon hata ni natua-tua ma dohononhu”, “sai asi ma roha ni Tuhanta”, dohot angka na asing.

Sian angka hatorangan nangkin boi ma dohonon di son, ia hata umpasa i ma angka hata pasu-pasu na mardongan harapan, pangidoan tu Tuhanta Debata asa dilehon angka nauli dohot nadenggan di ngolu ni angka tuturta. Boi do i hahipason, ganjang ni umur, hagabeon, dohot angka na asing.

Alai, molo hata umpama, angka hata tudos-tudos manang hata poda na mardongan harapan do i.

Contoh:         Molo litok aek di toruan, tingkiron ma tu julu.
Pantun do hangoluan, tois hamagoan
Marbagi di na otik, marbagi di na godang.

Namalo ma tutu ompunta na parjolo i mambahen angka rumang, ruhut ni angka ulaon dohot angka hata i, na gabe songon angka falsafah hidup, identitas, budaya di hita halak Batak na porlu lestarihononhon asa adong warishononta tu angka ianakhonta.

Sahat ma hita tu impola ni panghataion marhite hata umpasa dohot hata umpama. Alai, molo tung hinatahon pe di son asa sidok boti jala marboha bahenon ma hita di si. Pinatupa do di son hombar songon na dihatahon di angka ulaon nasomal taulahon, i ma di las ni roha manang di ulaon arsak ni roha.

 ANGKA HATA UMPASA
1. DI NA PASAHATHON ULOS TU PENGANTIN:

Di ginjang ma ia arirang di toru panggonggonan
Badanmuna ma na sora sirang, tondimuna masigomgoman.
Tubu ma si marlasuna di Dolok Purbatua
Sai ganjang ma umurmuna, sahat tu na sari matua

Bintang na rumiris, ombun na sumorop
Tubu ma anak di hamu riris, boru pe antong torop.
Tangki jala ualang, galinggang jala garege
Tubu ma di hamu anak partahi jala ulubalang
dohot boru namora jala pareme

Tubu ma tambinsu di toru ni pinasa
Tubu ma di hamu anak nabisuk dohot boru nauli basa.
Eme sitamba tua parlinggoman ni siborok,
Sai dilehon Debata ma di hamu tua, jala hot ma hamu diparorot.

2. DI NA PASAHATHON ULOS TU NATUA-TUA NI HELA (SI JALO BARA) DOHOT SI ANGKA JALO ULOS SUHI NI AMPANG NA OPAT.

Dolok ni Purbatua jonok tu si borotan
Sai sahat ma hamu saur-matua, tiur di pansamotan
Andor halumpang ma togu-togu ni lombu, andor hatiti togu-togu ni horbo
Sai ganjang ma umurmu pairing-iring pahompu sahat ma tu na marnini marnono.

Bona ni Aek Puli di Dolok Sitapongan
Sai ro ma tu hamu angka nauli, jala sai dor nang pansamotan.

Binanga ni Sihombing binokkak ni Tarabunga,
tu sanggar ma amporik tu lubang ma satua,
Sinur ma pinahanmuna, gabe na niulamu dipasu-pasu Tuhanta.

Eme sitamba tua parlinggoman ni siborok,
Amanta Debata do si lehon tua, luhut ma hamu diparorot.

Sahat solu sahat tu Tigaras,
Leleng hamu mangolu, gabe jala horas.

Marmutik ma lasiak dompak mata ni ari,
Manganju ma hamu di borungku parumaenmi, arian dohot botari.

Hariara ma bonana, hariara ma nang bulungna,
Gabe jala horas hula-hulana, songon i nang pamoruonna.

3.HATA UMPASA SIAN HULA-HULA DOHOT HORONG NI TULANG.

Hot pe jabu i sai tong do i marbulang-bulang,
Tung sian dia pe mangalap boru bere i, sai hot do i boru ni tulang.
Dangka ni bulu godang tanggo pinangait-aithon
Dilehon Debata ma di hamu tubuan anak dohot boru, 
si tongka panahit-nahiton.

Andos ras ma tu andor ris, tubu di huta Purbasinomba,
Sai horas-horas ma hamu jala torkis-torkis, ditumpak asi ni roha ni Tuhanta.

Binsar mata ni ari, poltak mata ni bulan,
Sai tubu ma di hamu boru namalo mansari
dohot anak na gabe raja panungkunan.

Giring-gring ma tu gosta-gosta,
tu boras ni singkoru,
Sai tibu ma hamu mangiring-iring pahompu,
tibu mangompa-ompa anak dohot boru.

Sahat-sahat ni solu, sahat ma tu bontean,
Sahat ma hamu leleng mangolu, sahat tu parhorasan panggabean.
Eme sitamba tua parlinggoman ni siborok,
Debata do si lehon tua, horas hamu diparorot.

4.HATA UMPASA DI NA PAAMPUHON HATA DOHOT MANGAMPU HATA.

Aek marjullak-jullak, marjullak-jullak sian batu, tinahu tu batu-batu.
Angka hata nauli, hata pasu-pasu naung hupasahat hami tu hamu,
ampu hamu ma i di tonga ni jabu.

Naung sampulu pitu jumali sampulu ualu
Hata nauli, hata pasu-pasu, ampu hamu ma di tonga ni jabu.
Turtu ma inna anduhur, tio ma ninna lote,
Hata nauli, hata pasu-pasu, sai unang muba sai unang mose.
Marmutik ma inggir-inggir, bulung na i rata-rata,
Hata nauli, hata pasu-pasu naung pinasahatmuna, napasauthon ma hata ni Debata.

5.HATA UMPASA DI NA MANGINGANI MANANG MANURUK JABU.

Labu pe labu i, ndang asal suanhononhon,
Jabu pe jabu, ndang asal inganan.
Mabaor aek puli sian dolok ni Simamora,
Sai hot ma jabunta on bagas na uli, ingananmu marlas ni roha.
Tangkas do jabu suhat, laos tangkas do jabu bona,
Sai tangkas ma hamu dung maringanan di jabu on maduma,
tangkas nang mamora.
Andor ras ma tu andor ris di tombak ni Purbasinomba,
Sai horas-horas ma hamu torkis-torkis,
tumpahon ni Debata namartua.
Jongjong di Dolok Purbasinomba, manatap tu Panamparan,
Sahat ma hamu saur-matua mangingani jabu on
dihaliangi angka pomparan.
Sahat-sahat ni solu toho di rondang ni bulan,
Sahat ma hamu leleng mangolu mangingani bagas on,
sai diiring-iring Tuhan.
Sai dilehon Tuhanta ma di hamu tua, hot ma hamu di jabu on diparorot.

6.HATA UMPASA DI ULAON NA TARDIDI

Tubu ma tambinsu di dolok ni Pangaribuan,
Sai anak nabiusk ma ibana,
anak na gabe si pajoloon.
Dangka ni hariara ma ni pangait-aithon
Simbur ma ibana mangodang, sitongka panahit-nahiton.
Horbo ni Sibuluan manjampal di balian,
Sai dapot ma angka naniluluan,
sai tiur ma nang pansarian.
Habang ambaroba di atas ni Sibuntuon,
Sai burju ma ibana marroha,
gabe jolma si tiruon.
Dolok ni Hutanauli hatubuan ni si marlasuna,
Goar nauli ma goarna i, ]
donganna gabe jala mamora.
Eme sitamba tua parlinggoman ni siborok,
Sai dilehon Debata ma di ibana tua,
imbur magodang diparorot.

7.HATA UMPASA DI NA PASAHATHON ULOS MULA GABE

Sanjongkal urat ni ri,
tolu jongkal urat ni singkoru,
Ulos mula gabe naung pinasahat i,
sai saur ma i di hamu,
mangulosi anak dohot boru.
Tubu ma lata di toru ni bunga-bunga,
Tubu ma anak na marsangap di hamu dohot boru na martua.
Habang binsak-binsak laos mangihut ambaroba,
Sai tibu ma ro na tapaima,
jala dapot nahinirim ni roha.
Tangki ma jala ualang,
galinggang jala garege,
Sai tubu ma di hamu anak partahi jala ulubalang,
dohot boru namora jala pareme.
Eme si tambatua ma parasaran ni siborok,
Sai dilehon Debata ma di hamu gogo dohot tua,
hot ma hamu diparorot.
Obuk do jambulan nanidandan bahen samara,
Molo mamasu-masu hula-hula,
padao sahit dohot mara.
Hotang do binebe-bebe,
hotang nipulos-pulos,
Unang hita mandele ai adong do tudos-tudos.

Bagot na madung-dung ma tu pilo-pilo na marajar,
Sai salpu ma angka nalungun,
sai ro ma angka najagar.
Tombak ni Simalungun parsobanan ni Simamora,
Sai hatop ma salpu angka nalungun,
jala hatop ma ro si las ni roha.
Balga tiang ni ruma, umbalgaan tiang ni sopo,
Nunga ganjang umur ni naung jumolo i,
sai gumanjang ma umur ni angka naumposo.
Tuak natonggi ma tu bagot si balbalon,
Tung paet di tingki angka na salpu i,
sai ro ma angka natonggi tu joloan on.
Tinapu bulung siarum bahen uram ni pora-pora,
Nahasit i tibu ma malum,
jala tibu ma ro si las ni roha.
Eme sitambatua parlinggoman siborok,
Sai dilehon Tuhanta ma di hamu tua,
jala sude hamu sai diparorot.

8.ANGKA HATA UMPASA DI HUHUASI NI SIPANGANON

Si titi ma si hompa, golang-golang pangarahutna,
Otik so sadia pe na tupa,
sai godang ma pinasuna.
Bagot na marhalto ma tubu di robean,  
Horas ma namanganhon, horas namangalean.
Huta Tanobato parasaran ni leang-leang,
Horas ma hami namanjalo,
horas ma di hamu namangalean.

Otik si butong-butong, godang si pir ni tondi,
Otik so sadia na boi hupatupa hami,
pamurnas ma i tudaging,
saudara tu bohi,
si palomak imbulu ma i,
si paneang holi-holi.

9. ANGKA HATA UMPAMA

Aek godang tu aek laut,
angka dos ni roha do si behen na saut.
Si hikkit si nalenggam,
tapillit ma nadumenggan.
Eme na masak di gagat ursa,
I ma na masa (denggan) i ma niula.
Sinuan bulu sibahen na las,
Sinuan adat dohot uhum sibahen na horas.
Ompu raja di jolo martungkot sialagundi,
Angka adat nauli napinungka ni ompunta na parjolo,
siihuthonon ni hita na di pudi.
Baris-baris ni gaja di rura Pangaloan,
Molo marsuru raja,
dae do so oloan.
Pat ni gaja tu pat ni hora,
Angka anak ni raja jala pahompu ni namora.
Asing dolok asing duhutna,
Asing luat, asing ruhutna.
Sise do mula ni hata,
sungkun mula ni uhum,
Gokhon sipaimaon jou-jou sialusan.

Sotongka do mulak tata naung masak,
Mulak marimbulu naung tinutungan.
Unang songon tagading,
marguru tu anakna.
Piltik ni hasapi do tabo begeon ni pinggol,
Piltik ni hata sogo begeon.
Madekdek jarum tu napotpot,
Ndang diida mata,
diida roha.

Sian hatorangan dohot angka contoh ni hata umpasa dohot umpama na pinatupa di buku on, didok roha nian naeng manambai angka naung taboto. Jala tapasahat ma angka hata pandohan i marhite-hite lambas ni roha jala hombar tu rumang dohot bentuk ni ulaon i.

Di na laho pasahathon hata hita di sada-sada ulaon, taparate-atehon ma situasi dohot kondisi ni tuturna na marulaon, songon i kondisi dohot hadirionta be. Molo poso dope hita, nang pe sian horong ni hula-hula manang tulang, asa malo ma hita manempathon diri. Lapatanna, nang pe hita apala tampuk, nampunasa ugasan di ulaon i, alai porlu do pasangap-onta molo adong dope natua-tua rap dohot hita di si. Sada na porlu sibotoonta muse, molo angka hata umpasa i boi do berkembang mang-ihuthon angka hamajuon ni zaman dohot kondisi. Na porlu, asalma nanidokna i marlapatan na bagas, mura antusan. Alai, molo angka hata umpama, bentuk dohot hatana, hira bersifat statis do i. Ndang boi i dika-rang-karang. Alana, songon fasafah manang poda do i di hita.

Songon i ma jolo na boi pinatupa di tingki on. Horas ma di hita.

“RUJUTNI PARJAMBARON”

Ruhut parjambaron juhut godang do variasina taida di ulaon adat-paradaton, hombar ma i tu rumang ni ulaon, luat ni namarulaon dohot situasi, kondisi, tempat, songon i nang di panjuhutina.

Didok natua-tua, sai jolo diseat hata asa diseat raut, namar-lapatan do i asa jolo dialap hata dos ni roha ma asa dibagi parjambaran juhut. Songon i muse nang di hata ni natua-tua namandok: Asing dolok asing duhutna, asing huta (luat) asing do nang ruhutna. Sudena i manghorhon tu nauli nadenggan do molo dapot dos ni roha sian panghataion. Ai mansai arga situtu do hata, jala sasintongna ndang apala jambar juhut i na gabe motivasi ni si jalo jambar, alai hata na masipaolo-oloan jala masipasangapan.

Adong do sipata tabege di sada-sada ulaon las ni roha manang arsak ni roha, hurang denggan ulaon ala ni pambagian jambar juhut.

Molo di hita na di tano parserahan on, khususna Jakarta sekitarna, ndang apala tapersoalhon be jambar i asalma proses manang ruhut pambagianna suman tu ulaon i. Gariada tahe adong do sijalo jambar pintor dilehon jambarna tu donganna, dohot pertimbangan asa so boi be ibana mangallang jagal, manang mabiar basi manang busuk jambar i ala leleng dope ibana mulak tu jabuna, dohot angka naasing.

Adong do pandohan na jot-jot tabege taringot di ruhut pambagian jambar juhut, ima hata namandok: “Sidapot solup ma hami.” Sada pandohan na raja ma i tutu di halak Batak, asalma laos raja sian mula ni panghataion jala hombar tu parhundulna. Namarlapatan, molo sian horong ni suhut paranak do pintor mandok “si dapot solup ma hamu” tu hula-hulana, so jolo dialap hata naelek, songon nahurang hormat jala hurang raja do panghataion i. Alai, molo sian horong ni hula-hula do namandok “sidapot solup ma hami” tu pamoruonna, mansai uli jala denggan ma begeon.

Ala ni i do sipata di ulaon las ni roha manang ulaon arsak ni roha (ulaon sari-matua manang saur-matua) dipatupa ulaon martonggo raja. Alana, gabe hira adong do panghataion sahat tu panjuhuti ni ulaon dohot pambagian jambar juhut.

Molo taida di ulaon adat na masa di tano parserahan on, angka si jalo parbagian jambar juhut di ulaon adat-paradaton i ma:
·         jambar ni hasuhuton dohot namarhaha-maranggi,
·         jambar ni boru/bere,
·         jambar ni dongan sahuta,
·         jambar ni pariban,
·         jambar ni hula-hula (hula-hula ni suhut; namarhaha-anggi, anak manjae)
·         jambar ni tulang (tulang ni ama hasuhuton dohot tulang ni ina hasuhuton)
·         jambar ni bona tulang (tulang ni ompu suhut)
·         jambar ni bona ni ari (hula-hula ni ompu suhut)

Nian adong dope angka si jalo jambar i ma: tu pangula ni huria, punguan dohot angka naasing dope. Alai, nauli ma saluhutna i jala disesuaihon ma pambagian i tu bentuk ni ulaon dohot panjuhutina.
Saonari porlu ma muse botoonta angka dia ma jambar sipasahaton tu horong ni si jalo jambar i.

Hombar tu si, parjolo ma pinatorang saotik taringot tu na mang-hasuhuthon, na marhadomuan tu tahapan manang proses ni namarbagi jambar juhut.

Molo sian daerah Silindung-Humbang sekitarna do namarulaon (hasuhuton), sai jumolo do dipasahat jambar taripar tu horong ni hula-hulana dohot tulang. Jadi parpudi do jambar dibagi tu hasuhuton.

Alai, molo namarulaon (hasuhuton) sian Toba sekitarna, sai jumolo do dibagi nasida jambar tu suhut namarhaha-maranggi asa mangihut jambar taripar tu hula-hula dohot tulang. Songon i jambar osang sai tu boruna do i dipasahat. Hape molo di Silindung-Humbang, jambar osang tu hula-hula do dipasahat. Alai sudena i sai manghorhon tu nauli nadenggan do molo sian angka dos ni roha.

Pambagian jambar juhut di ulaon pamuli boru/pangolihon anak –alap jual manang taruhon jual– na masa jala somal taulahon di Jakarta sekitarna, hira songon on ma.
1.Sibagi dua do tudu-tudu ni sipanganon naung dipasahat Paranak tu Parboru. Nang pe naung dipasahat Paranak tu Parboru tudu-tudu ni sipanganon i marhite-hite hata manang pandohan na elek di na pasahathon, alai dung sidung marsipanganon disungkun suhut manang Raja Parhata ni Parboru do muse Paranak taringot tu tudu-tudu ni sipanganon i, songon naung pinatorang di panghataion di ulaon marhata sinamot. Alai, somalna, molo ihur-ihur sai jambar tu pihak parboru do i, nang pe diulaon taruhon jual, i ma ulak ni tandok ni parboru.

2.Dung dibagi dua tudu-tudu ni sipanganon i, dipasahat Parboru ma muse jambar bagian ni Paranak, hombar tu panghataion dohot dos ni roha nasida. Dung i dibagi Parboru dohot Paranak ma muse jambar i tu angka tuturna be.

Catatan:
Masa niida hira dipangido Paranak sian Parboru saotik sian jambar ihur- ihur di nasida asa adong bagionna tu tuturna (dongan tubuna).
Di ulaon pesta unjuk somalna dipatupa sampe 8 (ualu) soit, asa 4 (opat) soit di Parboru, 4 (opat) soit di Paranak, jala di deba ulaon osang pe dibagi dua do.
Masa do muse niida dipasahat Parboru jambar juhut tu haha parhundulna (tulang ni Pangoli), jala nadenggan ma tutu i.

3.Pambagian jambar sipasahataon ni Parboru dohot Paranak hira songon na adong di table berikut ma:
    Jambar juhut sipasahaton ni Paranak:
Sijalo Jambar
Silindung/Humbang
Toba
Suhut dohot Namarhaha-anggi
soit, pohu
soit, pohu
Sude horong ni hula-hula
somba-somba
somba-somba
namarngingi (hambirang)
- namarngingi (hambirang)
Boru/Bere
- osang
- Pariban,
- Pangula ni huria,
 dibuat sian soit, pohu
dibuat sian soit, pohu
- Dongan sahuta,
- Punguan

Jambar juhut sipasahaton ni Parboru:
Sijalo Jambar
Silindung/Humbang
Toba
Suhut
ihur-ihur, soit
ihur-ihur, soit
Hula-hula
Osang
namarngingi,
Tulang
namarngingi (siamun)
namarngingi,somba-somba
Boru/Bere
namarngingi (hambirang)
osang
- Hula-hula ni namarhaha-anggi,

somba-somba
- Hula2 ni anak manjae
somba-somba
- Tulang rorobot,
- Bona Tulang,
- Bona ni ari
- Pariban,

- Pangula ni huria,
soit, pohu
soit, pohu
- Dongan sahuta
- Punguan
dibuat sian jambar ni suhut
dibuat sian jambar ni suhut

1.Di ulaon tardidi, malua, manuruk jabu, molo jambar ihur-ihur hot ma i di hasuhuton. Osang, namarngingi parsiamun, dohot somba-somba tu horong ni hula-hula dohot tulang. Soit ma tu dongan sahuta dohot pariban. Namarngingi parhambirang ma dipasahat tu boru/bere.

2.Di ulaon patua hata/marhusip, pasahat ulos mula gabe, paebathon anak buha baju, ia parjambaron pada prinsipna hira-hira surung-surung ni hula-hula ma i. Alai somalna, sian hula-hula dengan do marnida situasi. Molo tung pe didok paranak (pamoruon nasida) jambar surung-surung, boi do i dialap hata muse. Molo di tingki ulaon i adong angka dongan tubu ni pamoruonna i mandongani nasida, ingkon adong ma nian tinggal sebagian jambar i sa adong lehononna tu nasida.

3.Pambagian jambar dohot panjuhuti di ulaon sari-matua dohot saur-matua saguru tu keputusan ni pangarapoton (tonggo raja) do i. Adong do namangalehon ihur-ihur tu hula-hulana, ulu ma tu tulang, jala somba-somba tu horong ni hula-hula naasing termasuk tulang dohot bona tulang.

Alai nasomal muse taulahon di Jakarta sekitarna, molo ihur-ihur hot ma i di hasuhuton dohot namarhaha-anggi, jala jambar tu horong ni sude hula-hula dohot tulang dipatupa sian somba-somba.

Asa nauli jala denggan ma i sude asalma sian panghataion tu dos ni roha, jolo diseat hata ma asa diseat raut, jala taingot ma hata namandok, “Hata do parsimboraan.”

sumber : Purajalaguboti

anggota tubuh

1.Nama-nama bagian tubuh kita= Goar-goar ni pamatangta

1.Inong ni jari  = Ibu jari
2.Abara=bahu
3.Ulu=kepala
4.Rukkung=leher
5.Sipanudu=telunjuk
6.Jari siampudan=jari manis
7.pergelangan tangan
8.Sikut
9.Andora,Susu = dada, payu dara
10.Siubeon=perut
11.Hae-hae=paha
12.Dugul-dugul=dengkul
13.Pat=kaki
14.Jari pat=jari kaki
15.Bitis=betis
16.Simalolong ni pat=Mata kaki
17.Simanjojak=kaki
18.Ihur=pantat
19.Gotting=pinggang
20.Botohon=Lengan
21.Tangan=Tangan

sumber : Purajalaguboti

kamus batak

3.KAMUS INDONESIA – BATAK

abang	abang angkang
abg (anak baru gede)	bajarbajar, siuoruor
ada	adong, ada, tidak ada-soada
adik	adik lakilaki - anggi
adop	hadap; maradophon
adu	alu, aluhon – adukan, dialuhon – diadukan, mangalualu – mengadu nasib
agak	tar; agak cantik – tar uli
agap	tawa terbahak-bahak
air	aek; air terjun – sampuran, air mata – ilu, menetes air mata – manetek ilu; basah – maraek
ajak	togi, mengajak manogi, ajaklah – togihon, pemimpin – partogi
ajimat	parsimboraon, simbora parlapikon
aku	ahu; mengakui – marhatingkoshon
alot	jogal
amat, mengamati	tillik; manilik, maniliknilik
ampat	opat
andai	molo, andai kata bisa – molo boi nian
angin	alogo – angin ribut – ampilas
antar	taru; antarkan – taruhon
antuk	ondok, mengantuk mondokondok
apa	aha; mengapa – mahua, apapun – lan
apel	tandang, pergi ke rumah gadis untuk pacaran – martandang
appear	agar; appearance – agar, bagak, dorang, jeges, jagar, lago, uli
arah	odong, dipaodong – diarahkan; dompak, dompak hambirang – arah kiri, dompak siamun arah kanan; dihadapi –didompahi; diarahkan – dijuju
arang	agong
arti	lapatan, artinya – lapatanna
asam	igar, rudang; terlalu asam – maigarhu; jeruk asam – unte rudang
asap	timus, berasap – martimus
asing	duru; diasingkan – sipaduruon
atap	tarup
atur	ture, mengatur – pature, palsu – pinatureture; aturan – ruhut; aturan peradatan – ruhut ni paradaton
awas, jaga	ramot, mengawasi, menjaga – mangaramoti
ayah	amang
ayo	tole, ayo lah , tole
bagaimana	beha, boha, apa yang harus dikerjakan – beha bahenon, boha bahenon
bagus	jeges
bahas	uhal, membahas, manguhal, menganalisa
bahaya	mara; ditimpa bahaya – marmara, tempat bahaya – parmaraan
bahu	abara, diabarai, mangabarai, parsitangkingon. Diabarana i do dibahen siboanonna i. Diabarai ibana do sude harugian i. Ibana do mangabarai sude ulaon i.
baik	denggan, diperbaiki – dipadenggan, padengganhononhon
bajak	tinggala
baju, pakaian	abit
bakar	tutung; terbakar – matutung; heater (pembakaran) – tataring
bangun	dungo
banyak	torop, godang, banyak yang kamu tahu – godang parbinotoanmu, sangat banyak – bahat nai; banyak orang – torop jolma; banyak orang – torop jolma; kebanyakan -pagodanghu
bapa, ayah	amang
barang dagangan	boniaga
batang	kambona, sebatang – sangkambona
bayar	garar, kubayar – hugarar, membayar – manggarar
baur	saor, berbaur – marsaor
bebek	bibi
bekal	borhatborhat
bekas	tihas
bela	tutur, pembela – panuturi, memembela – manuturi
belakang	pudi; terbelakang – parpudi; dibelakang – dipudi; dibelakangi – ditundali
beli	tuhor, membeli – manuhor, di beli – nituhor
benar	tingkos, toho; membenarkan – marhatohohon; tutu; sebenarnya – antong
benih	boni
benjol	punil, boasa punil bohim, marbadai do ho?, berbenjolbenjol – marduguldugul
bentak	songgak; dibentaki – disonggahi; saling mementak – masisonggahan
bentang alam	hajangkajang
berangkat	borhat
berat	borat; keberatan – haboratan
berdiri	tindang, jongjong
berhenti	sohot, maradian
beri	lehon; memberi – mangalehon
beringin	jabijabi
berkas, bungkus	borhos; seberkas – samborhos
berkat	pasupasu
bersama-sama	rampak, rampak do sibenet dohot lae na i
bersih	ias, bersihkan – paias; dengan jujur – ias ni roha
bertambah, ganda	more
besar	balga; lebih besar – balgaan; terbesar – umbalga; jalan besar – dalan balobung; besar – bolon, terlalu besar – pabolinhu
besok	sogot, besok lusa – sogot haduan
bidan	sibasoh
bijak	ampa, bahasa ladang – arda diladang; bahasa bijak – ampa ardang;
bijaksana	bisuk
bilang	dok; yangdikatakan (dibilang) – pandok; katakan – dokkon
bimbing	togu, membimbing – manogu
bingung	bojok, (heran) longang, maoto (oto)
bisik	husip; husiphon ma tu ahu aha do na dibagasan roham
bohong	gabus; berbohong – margabus; pembohong – pargabus
buah	parbue
bual	buras, kombur; berbual – markombur
buang	ambolong, ambolonghon; pembuangan – panduduron
bujuk, mohon	elek, elekelek, bujukan – pangelek, membujuk – mangelek
buka	buka, buha
bukit	robean, robean na timbo (dolok)
bulan	bulan, bulan tula – bulan purnama?
bulat	tingko, gonong
bumi, dunia	portibi, hasiangan
bundar	tingko, lunjung
bunuh	pamate, pembunuhan berencana – todos, pusa
bunyi	huling (kuling); berbunyi –mangkuling; lonceng – hulingkuling
burung	pidong; pidong patiaraja; pidong sigak; pidong imbulubuntal; amporik; pidong araroma; pidong lote – burung puyuh
buta	pitung, mapitung
cabut	bubut, mambubut, mencabut, mangurati; borgat (cabut untuk tumbuh2an, bersama akarnya); maborgat – tercabut; mamborgat – mencabut
cakar	tambirik,
cape	loja
cari	lulu, lului; mencaricari – lulululu, mencari – mangalului
cecer, serak	sabur

cekatan	bontis
cela, raib	tihas
cepat	tibu
cerdik, bijaksana	bisuk
cerita	torsa, torsatorsa, cerita rakyak – turiturian
ceroboh, keras kepala, suka melawan	tois
cicak	boraspati
cicip	dai, rasakan – daihon
cincang	tanggo, mencincang – mananggoi – sangsang
cinta, kasih	holong
cium	umma, mangumma, masiummaan, masiummaummaan – bercium-ciuman
coba, dicoba	disuba
cubit	gotil, unang sai gotil anggimi
cukup	sae
cuci	buri, air pencuci – aek pamurion
curi	tangko; mencuri – manangko
dahi, muka, wajah	bohi
dagangan	boniaga, tigatiga; marboniaga – berdagang; parboniaga – pedagang, dagangan – tigatiga, berjualan – martigatiga
daki, mendaki, naik, menanjak	nangkok, mendaki ke bukit – nangkok tu dolok
dalam	bagas
danau	tao
dapat	dohar, didapat, diperoleh – mandohar
dari	sian, dari situ – sian i
datang	ro, sudah datang – nga ro, nungnga ro
daun	bulung, daun beringin – bulung ni hariara
debat	sinambul, tukang debat – parsinambul
dekat	jonok
delapan	ualu
dengar	bege, didengar – dibege
dengkul, lutut	dugul, ulu ni tot, mendengkuli – mandugul
depan	jolo, ke depan – tujolo, masa yang akan datang – tujoloan, dahulu – najolo, pertama – parjolo
deras, lebat	dobar; mansai dobar do parbue ni pinasa i; dobar do udan i
derita, penderitaan	siaginon, parniahapan
desak	abuk, diabuk, mangabuk, mabuk, pangabuk. Unang sai abuk ibana
dia	ibana
diam	sip, hehem, pendiam – sijalo sipsip
didih	gurgur, mendidih – magurgur
dingin	ngali
doa	tangiang; tabas
dua	dua, duabelas – sampulu dua
duga	agak – sura
dunia	portibi
ejek	ehet, mangehet
elang (burung)	lali
emas	sere, emas palsu – suasa
embun	ombun
enak	tabo; tabo ma lompalompa ni inang on; enak didengar – lengenlengen
enam	onom
filsafat	risa, filosofinya – risana; ilmu filsafat – raksa risa
gagak (burung)	sigak
gali, telaah	uhal; menelaah – manguhal
gampang	mura, sangat gampang – sai nura
ganjil	geduk
gelap	holom
gema	saringar
gemetar	manggirgir
gendong	abing, abin, mangabing, diabing, abingan
gerak, bergerak, mulai melangkah	hinsat
gerangan	ulaning, apa gerangan – aha ulaning
gerimis	simbur, simbursimbur
gimana, bagaimana	beha
goblok	oto
guna	hasea; menggunakan – marhaseanghon; memanfaatkan – mamparhaseanghon
gundul	saesae
habis	suda, habis-habisan – tumpur
hajat	lolo, palolo jabu – hajat membangun rumah, hajat melaksanakan pekerjaan – palolo siulaon; hadirin – loloan na torop; berkumpul – marlolo
hak	tohap, agat; hak milik kita – aganta
hambur, berserakan	abur, diaburhon mangaburhon, maraburan, marabur, maraburabur
hanya	holan, hanya sedikit – holan saotik, ondeng
hanyut	maup
haram	rumar, hata rumar – kata kotor, kata yang tidak sopan
harap	sinta harapan/citacita – sintasinta, diharapkan – dipasinta
hari	ari
harta	agat, arta, hamoraon, ugasan
hasea	berguna; so hasea – tidak beguna; marpahaseang, humaseaan – lebih berguna
hasil	omo, bekerja – mangomo. penghasilan – naniomo
hati, perasaan	roha, senang hati las roha, hatihati – nangetnanget, nanget
hebat	bongak, mininggikan diri – pabongakbongakhon
hembus	ombus
henti, diam	so; berhenti – paso
hidup	ngolu
hijau	rata; menghijau –ratarata
hilang	mago
hitam	birong
hitung	etong
hujan	udan, hujan es – ambolas; udan na so hasaongan, alogo na so hapudian
hutan	harangan
hutang	singir
hujan	udan, hujan es – ambolas
ibu	inang, ibu yang baik hati inang soripada, inanta i, our madam
ikan	dengke, ikan mujahir – dengke jair
ikat kepala	bulang
ikut	ihut; mangihuti; dohot; pengikut – parsidohot; ihit, mengikuti – mangihiti
ilmu	raksa, mangaraksa-berilmu, pengetahuan – pengetahuan
indah	uli, betapa indahnya – mansai uli
ini	on, seperti ini – songon on
injak	dege
ipar	tunggane, hubungan antara suami dan saudara istri – partungganean
istri	ripe; istrinya –ripenai; calon istri – oroan
itu, seperti itu	I, songon i, songon an

jadi	saut, gabe
jahat	jungkat, berhati busuk – geduk
jahe	pege
jalar	insir, ular menjalar – manginsir ulok
jam	pungkul, jam berapa – pungkul piga
jambu batu	antajau
jampi	tabas
jangan	unang, jangan sampai – sotung, jangan sampai rusak nanti – sotung sega annon
janggal	haduk
jantung	taroktok; bukbak taroktokna – berdebar jantungnya
jatuh dabu, madabu, jatuh untuk manusia	tinggang
jauh	dao
jawab	alus, menjawab –alusi, dijawab – dialusi, saling menjawab – masialusan
jebakan	lupaklupak
jejak	bogas, menetapkan langkah (untuk masa depan – pernikahan) – parbogasan
Jelajah	adang. Nungga sude diadangi ibana alai ndang jumpasa
jelas, menjelaskan	nalnal, panalnalhon, patiar; jelas terlihat – tedak, tedak songon indahan di balanga
jelek	roa; terjelek – rumoa
jengkol	joring
jenis, ragam	ragam
jernih	tio
jodoh	rongkap
jujur	tigor – (tidak jujur) geduk
kacau	gaor; kacau balau – sursar
kadang	sipata
kain, pakaian	abit, diabiti, diabithon, mangabiti, marabit, parabiton
kakak/adik(perempuan)	ito
kaki	pat
kalau	molo
kambuh	manombo
kami	hami
kamu	hamu
kandungan	tabutabu, kandungannya – tabutabuna
karena	alana
kasih	lehon, kekasih – hallet, kasihan – asi
kasur	podoman
kata	hata, dok ; katakan – hatahon, dokhon; sepatah kata – sangkambaba; katakan - dok, paboa; dikatakan – didok; dipaboa
kau	ho
kawan	dongan, kedan
kawin	sohot, mengawinkan – pasohot, perkawinan – parsohotan; berrumah tangga – marhasohotan
kaya	mora; berada – mamora
kebenaran	sintong, kebenaran yang tak perlu dikatakan – hata hehem
kecil	metmet, hetek, saling menganggap rendah – masihetehi; sebagian kecil-punsu tali; masa kecil (anak2) –gelleng
kedai	lapo, kode
kejut	hiap, terkejut – tarhiap
kejut, terkejut, cemas	muningan, boasa muningan ho hasian
kekasih, pacar	hallet
kelahi	bada, berkelahi – marbadai
kelapa	harambir
keluar	haruar
kemarin	nantoari
kembar	silinduat
kenal	tanda, terkenal – bongal
kendala	abat, abat-abat- berbagai rintangan
kepala	ulu, simanjunjung
kerabat	ampara (sisolhot)
keras	pir, terlalu keras – papirhu
keriap	gulmit, manggulmit
kering	hasang, mahiang
keringat	hodok, keringatan – hodohan
kerja	ula; bekerja – mangula; kerja keras – todos; kerjakan ulus, pekerjaan – ulaon; gotong royong – mangarumpa
keruh	litok; litok aek di jae tingkirhon tu julu – keruh air di muara, lihat ke hulu
ketika	andorang, hatiha
keturunan	pinompar, pomparan
kilat	hillong, mengkilat – marhillong
kira	rimpu, rippu; kirakira – hirahira, kukits – hurimpu
kirim	tongos, mengirim – manongos
kodok	tohuk, tojak
kosong	rumar, harus dihabiskan – ingkon rumar do i
kuat	gogo, togar
kukuh	togu
kulit	hulinghuling, kalimat tanya untuk suatu tekateki – hulinghuling ansa, jawabannya ansa, atau hutisa
kumpul	lolo, berkumpul – marlolo; hadirin – loloan
kusut	rundut
koreksi, perbaiki	pature; marsipatureturean
kuda	hoda
kumpul	pungu; berkumpul – marpungu; kumpulkan punguhon
kunjung	topot, mengunjungi – manopot
kurang	hurang; kekurangan – hahurangan
kusut	rundut
kutuk	sapata – bura
ladang	hauma; berladang – marhauma
lagi	dope, muse
lagu	logu, marlogu sada, marlogu dua- ende
lah	ma, nian – baenma, unang manian
lahir	bila yg lahir laki-laki disebut tubu, bila yg lahir perempuan disebut sorang
laki	baoa, lakilaki – dolidoli
lalai	lalap
lalat	lanok
lalu, berlalu	salpu
lampias	sombu, melampiaskan rindu – pasombu sihol
langsung	tidak menunggu-nunggu – pintor
lapang	tardas, lapangan rumput – adaran
lapar	male, kelaparan – haleon
lari	lojong, berlari – marlojong; lari terbirit-birit – lintun
lawan	alo, dugu, maralo, mardugu-melawan
layu	malos, mabap
lepas	talhus
lepau, kedai	lapo
lepek, basah kuyup	tonu

lembu jantan	jonggi
lempar	sampat, lemparkan – sampathon, dilemparkan – disampathon
lenggang	ambe, berdendang – mangambe
lengkap	timpas
lengket	longkot, lepas – longkang
lengkuas	halas; tuhor jolo halas i asa mangalompa itom
lewat	lewat –bolus; , melewati mamolus; dilewati – dibolus; lewat (waktu) – bolus
iar	riar, hijang, unto boruboru na riar (hijang)
liat, kaku	jogal
licin	sulandit tergelincir – tarsulandit
lidah	dila, abas, albas, mangabas – melambai, mangalbas
lihat	bereng, tingkir
liur	tijur, ijur, manijuri – meludahi
lima	lima
limpah	arar, marhuarar -berlimpah
lonceng	hulingkuling
lompat	timbung; melompat – manimbung; tollu, manollu – melompat kebawah
ludah, air liur	tijur
luncur	runsur
lurus, jujur	tigor, manigor, hatigoran, partigor, patigorhon panigoran
lutut, dengkul	ulu ni tot
mahal	arga, arga do bona ni pinasa
main	meam, permainan – parmeaman
maju (agung, timbul, berjaya)	timbul
makan	allang; pangan; makanan – panganon, allangon; sipanganon
makmur	duma, maduma; kemakmuran – hadumaon
malam	borngin
malas	age, bermalas-malasan – mageage, measeas
malu	ila; memalukan – pailahon; saling memalukan – marsipailaan; urak, malu aku – murak ahu; dipermalukan – dipaurak; tarurak, paurakhon, haurakon
mampet, macet	sundat
mandi	maridi, mandi diluar – martapian
manis	tonggi, terlalu manis – patonggihu, paling manis – tumonggi
mati	mate, monding, parjolo; mati tiba2 – tidas, menghembus nafas – tos hosa; mati tenggelam – mogap
minta	ido, meminta – mangido, permintaan – pangidoan
muka(bagian tubuh)	bohi
muncul	mullop, muncul berulang-ulang – mullopullop
pemamah biak	sigagat
mama inang	inong
manusia	jolma, manisia
masak	lompa, memasak – mangalompa; masak dengan asam saja – ura, yang dimasak dengan asam – naniura
masak (buah)	mabe, malamun
masih	dope, masih ada – adong dope
masuk	bonggot, tempat masuk – habongotan
mata	mata, simalolong; mata air – pansur
mau	olo, saya mau – olo do ahu
melata	manginsir
mentah	tata; martata sumping -tersenyum
merah	rara
mereka	nasida
mimpi	nipi, pemimpi – parnipi
minum	inum
minyak	miak; maiakna ma jo panggorengna
miskin	pogos; melarat – lea pogos
mudah	mura, mudah – mudahan – mudahan, semoga anggiat
mulut	baba, sepatah kata – sangkambaba
musuh	tihus, manihus – mengejar musuh
muncul	mullop
murtad	tundal, panundalan – kemurtadan, panundalan manginsobut tu ho
nafsu	pangimbung, pangimbungna – nafsunya
naik	nangkok
nakal	tilhang, jekjek
nangka(buah)	pinasa
nanti	annon
nasib	siahapon
nasihat	soso, kunasihati – husosoi
naung (teduh)	ingan, bernaung – maringan
nikah, menikah	untuk lakilaki mangoli, pelakunya pangoli, untuk perempuan muli, yang dinikahi – nanioli, menikah kembali – imbangna , panoroni
nyanyi	ende; bernyanyi – marende; nyanyi cinta – ende ende arur
nyata	nata; terbuka, jelas – tedak; terus terang tidak sembuny2 atau berpura-pura – sitedak rupa siboto goar
nyeri	borit
obat, mengobati	mandaoni
oleh	oleh karena itu – angkup ni i
olok	rehe memperolok – mangarehe, contoh birong gelek, sirara obuk, sihariting mosok dll
orang	halak; jolma
pacar	hallet
padang gurun	halonganan
pahat	lotik
pakaian	abit, diabiti, diabithon, mangabiti, marabit, parabiton. Abit na arga do pinangkena i Nang pe rintik ibana, alai tong do diabiti bondana i.Painte jolo diabithon mandar na i. Angka ina do disuru mangabiti ina na monding iingkon marabit do angka namarbaju parhobas i asa denggan
paku	labang
palsu, menyimpang dari kenyataan	lipe, pinatureture, emas palsu – suasa
panen	gotil; memanen – manggotil
panggil, undang	jou, saling memanggil – masijouan; undangan joujou
pangkal	bona
pangku	abing,abingan-pangkuan, diabing-dipangku , mangabing-memangku. Abing ma jolo anakmi asa pasusu. Diabingan ni inana I do ibana modom. Diabing ma anakna I huhuty dipasusu. Boasa ho mangabing anakmi, tudia horoha inantam
pantang	subang, orang yang mempunyai pantangan – parsubang; menjadi pantangan – tarsubang
pantas, bagus, cocok, pas	tama; une – naung une ma sude na binahenmi
parit	bondar
pasar	onan
patah, rusak	matopik
patut	tama
payudara	tarus, putting payu dara – ulu ni tarus; manarus – menyusu; patarushon – menyusui; adop
pedih	ngotngot
pemimpin, panggilan untuk penghormatan	raja
pendek	jempek
pengumuman	tingting; mengumumkan – martingting
penuh	gok; dipenuhi – dipasiat – dipasiatma pangidoanki
pepaya	botik
perahu	solu, berperahu – masisoluan
peraturan, hukum	patik
percaya, dapat dipercaya	bontor

percik percikan	pispison
perempuan	boru
periuk	hudon
perjanjian	padan
perkakas tenun	sabang
perlu	ringkot, mangaringkothon
pernah	hea; tidak pernah – ndang hea
permisi	santabi
perut	boltok
pesan	tona
pesta, rapat	lolo; berkumpul – marlolo; kumpulan – loloan
peti mati	abal-abal
petuah	pitua, pitua nitabas ingkon jumolo disiup
pijat	dampol
pilih	pillit; memilih calon istri – mangaririt, pemilih calon istri – pangaririt
pindah	morot, morot tu na asing
pinta	tami, meminta – manami
pintar	bistok
pintar	malo; belegak pintar – pamalomalohon
piring	pinggan
pisah	sirang
pisau sadap	agat, tukang sadap – paragat
potong	tanggo, memotong ( dengan parang) – mananggo
pudar	sosa
pukul	balbal, dipukuli – dibalbali
pulang	mulak, pulang kerumah – mulak tujabu
pundak	abara
pungut	ain
putih	bontar
putus	tos, matos; memutuskan – manotos; manotosi
rahasia umum	hata haurahon
rajin	ringgas
ramai	torop
rantau	ranto, ratto, pangantantoan
rapat, musyawarah	rapot
rasa	taon – dirasa ditaon, merasakan – manaon; mengalami duka cita – marsitaonon; sependeritaan – sapartinaonan
rasa	ahap; dirasa – diahap; penderitaan – parniahapan; roha; perasaannya – rohana; terge, manerge, diterge rasa dai, enak rasanya, tabo daina, dirasai – didai
rasa	dai, enak rasanya, tabo daina, dirasai – didai
rasa	roha, kurasa – huroha
rela	pos, rela hati – pos roha
rendah	hetek; rendah hati – serep roha
rindu	sihol; merindu – masihol
rintangan	abat-abat
rumah	sopo, jabu, bagas
rumput	duhut, merumputi – manduhuti, marbabo, mambaboi
rusak	sega, merusaki – manegai
saat	uju, saat ini – uju on; ombas, saat ini – di ombas on
sabar, bersabar	saep
sahabat	aleale
saja	ondeng, sambing
sajak	ardang, pangardang – pembuat sajak
sakit	hansit, sakit sekali – hansit nai; borit; menyakitkan – naboritan
sakit	sahit, sedang sakit – marsahit
salam (tangan)	jalang
salam selamat, sejahtera, teguh	horas
sama	dos, sama rata – ris
samar, menyamar	tinda, patinda rupa
sampai	sahat, ro dina, rasirasa; sampai sekarang – ro dina saonari, sahat tu sadarion, rasirasa nuaeng; sampai mati – rasirasa mate
sangat	pala, apala, sapala; sangat panjang – apala ganjang
sangat	sai, sangat-sangat – mansai, sangat gampang – sai mura, sangat-sangt cantik – mansai uli
sanggup	tolap, tolap gogo; yang aku sanggup – tolap au
santun	donda
sarong	mandar
satu	sada
sawah	saba
saya	ahu, iba
sebar, serak, tersebar	marserak, menyebarkan – paserakhon; parserahan – tempat yang tersebar
sebelas	sampulu sada
seberang	ipar; menyeberang – taripar, menyeberangi sungai – manaripari batang aek
sedia	tupa; menydiakan patupahon
sedia, siap	rade, sudah sedia – nungga rade, disiapkan, disediakan – diparade
segera, tergopohgopoh	busbus, menggugurkan kandungan – busbushon
segi	suhi, bersegi-segi – marsuhisuhi
sekaligus	huhut
sekarang	nuaeng, saonari
selamat, pelihara	ramot, menyelamatkan, memelihara – mangaramoti
selesai	sae,sidung, sudah selesai nungga sae; pasidunghon – menyelesaikan; penyelesaian -pansidungi
selimut	ulos
semak	somak
semangat	simangot
sembilan	sia
sembunyi, tersembunyi, tersumbat	solpa
sempat	sanga, menyempatkan – pasangahon; kusempatkan – husangahon
senja	botari
sembur	bursik, disemburkan – dibursikhon
sempurna	tang
semua	luhut, saluhut, semuanya – saluhutna; sude, semuanya – sasudena
semut	porhis
sengat	doit, menyengat – mandoit
seperti	songon
sepi, sendiri	punjung, – mati tak ber anak – mate punjung; tersisih – tarpunjung
sepuluh	sampulu
sesak	ponjot
sesal	humordit
serak, jatuh berserakan	abur, diamburhon, mangamburhon, maramburan, marabur, marabur-abur. Abur do eme na inoanna i. diaburhon do indahan na di piring na I ala ni murukna. Holan ibana do mangamburhon arta ni amana i. Maramburan do baras sian karung na matombuk i. Marabur do ilu sian mata ala ni ngotngotna
seru (kata seru)	ate
serupa	suman
siang	arian
siap, sedia	rade, sudah siap – nungga rade
sifat	bangko, tibas
silau	sillak, marsilak; kemilau – sumillak
silsilah	tarombo, partuturan
sinar	sondang, rondang (bulan)
sirih	napuran, napuran tanotano
sobek	ribak – dirobek – ribakhon, menjadi sobek maribak
sopan	pantun, bersopan-sopanan – marhapantunon
suara	soara
subur, memberikan hasil yang baik berkembang biak dengan baik	sinur
sudah	nga, nungga, sudah datang – nungga ro
suka, rajin, bersemangat	girgir; tung mansai girgir do ibana na markarejo i
sumpah	tolon – bersumpah – manolon, patolonhon
sungai	binanga, batang aek
susah	susa, jangan sampai susah kita– sotung susa hita
tabah, tekun	benget
tabung bambu	abal-abal
tahu	boto
taman	porlak
tambah	tamba, lam; tambah kuat – lam gogo
tampar	pastap
tanaman	suansuanan
tangan	tangan
tangkap (maling)	barobo
tanya	sungkun, pertanyaan – sungkunsungkun, muningan; saling bertanya – masisungkunan
tatap	tatap; menatap – manatap
tawa	engkel, marengkel, mengkel, mengkelengkel, terbahak-bahak – mengkel suping, saling menertawakan – masiparengkelan
tebang	taba, kayu itu ditebang – ditaba hau i
tebing	tolping
tega	hum ; tega hati – hum roha
tegap	togos
tegar	tohom
teguh	togu
teguk	dorguk
tekateki	ansa-ansaan
tekun (tabah)	benget
telan	bondut
telanjang	saesae, marsaemara, salangsalang
telur	pira; tolor; buah pelir pirapira; bertelur – marpira
teman	dongan; teman membuat kita berharga – dongan do hatotoga
tembakau	timbaho
temu	jumpang, domu; bertemu – pajumpang, mardomu; pertemuan – pardomuan
tempat	ingan, inganan; tempat tidur – podoman
tenang	pos, tenang hatimu – pos roham
tengah	tonga
tenggelam	bonom
tenggen, setengah mabuk	mordong
tengok	tingkir
tentu	tontu, ate, men-iakan/meyakinkan – antong; meminta persetujuan – ate, memastikan tontu
tepat	topet
tepuk tangan	marlapaklapak (martolap)
tepung beras	nitak, nitak gurgur ( tepung beras jang lembut)
terang	tiur; torang; terang bu;an – rondang ni bulan i
terbang	abang, habang
terbalik	tundal
terbang	habang
terbirit-birit	lintun
terbit	poltak (bulan); binsar (matahari)
terbuka (jelas)	tarngap
terima	jalo, menerima – manjalo, terima kasih – mauliate
ternak	pinahan, ternaknya gemuk2 – pinahanna pe mokmok
tiang penyanggah	panangga
tidak	ndang, tidak ada – ndang adong; tidak ada – soada, Soada na hurang diibana
tidur	modom, podoman-kasur; tertidur – tarnono; tidur nyenyak – renge modom
tiga	tolu
tikar	ampe
timah hitam	simbora
timbang	antan, menimbang-nimbang – mangantan; timbang,perkiraan – rajum, dipertimbangkan – dirajumi
timbul	timbul
timur	habinsaran
tinggi	timbo
tinta	mangsi
tording	peraturan
tuak	tuak na tonggi, tuak na pang, tuak tangkasan
tuan rumah (pemilik acara yang bertanggung jawab)	suhut
tujuh	pitu
tuli	nengel
tulis	gurit, tuliskan – gurithon; surat, menulis – manurat, tuliskan – surathon
tumpah	sabur
tunda, menunda	mahilolong
tunggu	ima, inte, paima, painte, ditunggu – dipaima, dipainte, tunggu dulu – inte ma jolo
tunjuk	tida, patidahon
tuntun	togu, menuntun – manogu, manogunogu
turun	tuat; keturunan – pinompar, pomparan, rindang
uang	hepeng, humisik
ubi, ubi kayu	gadong
ujung	ujung
ulak	kembali, paulak – kembalikan
ungkap, terungkap	tardas
upah	upa
usai	simpul, sae
usir	bali, mengusir -pabali
wajah, muka	bohi
waktu	tingki, tikki ; zaman dahulu –tingki na galia; hatiha
warisan	arta pusaka X paneanon (ima kuasa na dohot paksa
wibawa	tunggun, sanggam sumber : Purajalaguboti